ក្រសួងសុខាភិបាលបានប្រកាសឱ្យប្រមូលត្រឡប់មកវិញនូវឱសថលើសឈាមប្រភេទ ADIPIN 10 ដែលមានលេខឡូតិ៍ TI118, Exp=01-2024 និងថ្នាំឱសថលើសឈាមប្រភេទ AMLOCOR-10 ដែលមានឡូតិ៍ B131J006, Exp=05-2024 ក្រោយការធ្វើតេស្ដរកឃើញថាធ្លាក់គុណភាព (Dissolution Test)។
ក្រសួងសុខាភិបាលបានបញ្ជាក់ក្នុងសេចក្ដីប្រកាសព័ត៌មានកាលពីថ្ងៃអង្គរថា មន្ត្រីជំនាញបានយកថ្នាំឱសថដែលកំពុងដាក់លក់លើទីផ្សារមកធ្វើតេស្ដនៅមជ្ឈមណ្ឌលជាតិពិសោធន៍សុខាពិបាល ហើយវិភាគរកឃើញថា ថ្នាំទាំងពីរប្រភេទនេះបានធ្លាក់គុណភាព ដែលធ្វើឱ្យប៉ះពាល់សុខភាពអ្នកប្រើប្រាស់។ ចំណែកថ្នាំឱសថលើសឈាមដែលមានលេខឡូតិ៍ខុសពីនេះ គឺមិនប៉ះពាល់ដល់សុខភាពឡើយ។ដើម្បីធានាសុវត្ថិភាពអ្នកប្រើប្រាស់ ក្រសួងសុខាភិបាលបានដាក់ចេញវិធានការឱ្យក្រុមហ៊ុនដែលបាននាំចូលនិងចែកចាយឱសថទាំងនេះត្រូវប្រមូលពីគ្រឹះស្ថានលក់ឱសថយកមកវិញចំនួន២ឡូតិ៍ ពោលគឺថ្នាំឱសថលើសឈាមប្រភេទ ADIPIN 10 ដែលមានលេខឡូតិ៍ TI118, Exp=01-2024 ចំនួន១ឡូតិ៍ និងថ្នាំឱសថលើសឈាមប្រភេទ AMLOCOR-10 ដែលមានឡូតិ៍ B131J006,
Exp=05-2024 ចំនួន១ឡូតិ៍។
ក្រសួងបានណែនាំឱ្យមន្ទីរពេទ្យនិងប្រជាពលរដ្ឋទាំងអស់បញ្ឈប់ការប្រើប្រាស់ ហើយត្រូវប្រគល់ឬបញ្ជូនឱសថទាំងនេះទៅគ្រឹះស្ថានលក់ឱសថវិញចាប់ពីការជូនដំណឹងនេះតទៅ។ ជាមួយគ្នានោះ ក្រសួងសុខាភិបាលបានព្រមានថា៖ «ខ្លួននឹងចាប់វិធានការតឹងរ៉ឹងតាមផ្លូវច្បាប់ចំពោះគ្រឹះស្ថានអាហរ័ណនីហរ័ណ ឱសថស្ថាន ឱសថស្ថានរងទាំងឡាយណាដែលនៅតែបន្តការដាក់តាំងលក់ឬលក់ឱថសទាំងនេះ»។
គួរជម្រាបថា ក្រសួងសុខាភិបាលក៏បានអំពាវនាវដល់ប្រជាពលរដ្ឋកម្ពុជាឱ្យយកចិត្តទុកដាក់ជាមួយករណីខាងលើនេះ ប្រសិនបើប្រទះឃើញថ្នាំឱសថទាំងនេះដាក់លក់លើទីផ្សារសូមប្រញាប់ផ្ដល់ព័ត៌មានមកកាន់នាយកដ្ឋានឱសថ ចំណីអាហារ បរិក្ខាពេទ្យ និងគ្រឿងសំអាង តាមរយៈលេខទូរសព្ទ ០១១ ៥៧៤ ៧៨៧ / ០១២ ៣៥៥ ១៦១ / ។
ក្រសួងបរិស្ថានកម្ពុជា នៅថ្ងៃព្រហស្បតិ៍ ទី២ ខែមេសា ឆ្នាំ២០២៦ នេះបានបង្ហាញថា សីតុណ្ហភាពមានការកើនឡើងនៅទូទាំងប្រទេស ដែលអាចបង្កឱ្យមានហានិភ័យនៃការអគ្គីភ័លើផ្ទះសម្បែង និងភ្លើងឆេះព្រៃជាដើម។ ក្រសួងបរិស្ថានស្នើសុំឱ្យសាធារណជនមានការប្រុងប្រយ័ត្នខ្ពស់ និងចូលរួមចាត់វិធានការបង្ការ ដើម្បីសុវត្ថិភាពសាធារណៈ និងចៀសវាងការខូចខាតយ៉ាងធ្ងន់ធ្ងរដល់ទ្រព្យសម្បត្តិ និងធនធានធម្មជាតិ។ (more…)
ភ្នំពេញ៖ សាលារៀនសុវណ្ណភូមិ បានរៀបចំការប្រកួតកីឡា និងប្រឡងសិល្បៈសិស្ស ដណ្តើមពានរង្វាន់ ៣០ឆ្នាំ នៃស្ថាប័នអប់រំ អ៊ិន ធី ស៊ី គ្រុប ប្រកបដោយជោគជ័យដោយបានប្រារព្ធ (more…)
អារ៉ាប៊ីសាអូឌីតកំពុងជំរុញទៅមុខជាមួយនឹងអាកាសយានដ្ឋានថ្មីមួយនៅទីក្រុងម៉ាក្កះ ដែលជាផ្នែកមួយនៃការធ្វើឱ្យប្រសើរឡើងនូវវិស័យដឹកជញ្ជូនកាន់តែទូលំទូលាយ ដែលមានគោលបំណងផ្លាស់ប្តូរបទពិសោធន៍ (more…)
ប្រធានាធិបតីអាមេរិក លោក Donald Trump បានប្រាប់ទីភ្នាក់ងារសារព័ត៌មានរ៉យទ័រកាលពីថ្ងៃពុធ (១ មេសា) ថា សហរដ្ឋអាមេរិកនឹង «ចេញពីអ៊ីរ៉ង់យ៉ាងឆាប់រហ័ស» ហើយអាចនឹងត្រឡប់ទៅវិញសម្រាប់ការ (more…)
អ៊ីស្រាអែល៖ សភាអ៊ីស្រាអែលបានបោះឆ្នោតគាំទ្រឲ្យមានការប្រើប្រាស់ទោសប្រហារជីវិតទៅលើជនជាតិប៉ាឡេស្ទីនណាដែលត្រូវបានតុលាការកាត់ទោសពីបទភេរវកម្ម។ច្បាប់ថ្មីទើបអនុម័តនៅថ្ងៃទី៣០ ខែមីនានេះ (more…)
ប្រទេសប៉ាគីស្ថានបានរៀបចំកិច្ចប្រជុំការទូតដ៏សំខាន់មួយជាមួយលោក Ishaq Dar និងសមភាគីមកពីប្រទេសទួគីយេ អារ៉ាប៊ីសាអូឌីត និងអេហ្ស៊ីប ដើម្បីជំរុញឱ្យមានការបន្ធូរបន្ថយភាពតានតឹងនៅក្នុងជម្លោះដែលកំពុងបន្តពាក់ព័ន្ធនឹងអ៊ីរ៉ង់ និងសហរដ្ឋអាមេរិក។ កិច្ចចរចានៅទីក្រុង Islamabadនៅថ្ងៃអាទិត្យ និងថ្ងៃចន្ទនេះ មានគោលបំណងរៀបចំមូលដ្ឋានសម្រាប់ការចរចាដោយផ្ទាល់ដែលអាចធ្វើទៅបានរវាងភាគីទាំងពីរ។ (more…)